سمك الدنيس على شكل قوارب محشوة بالشعرية الصينية و القمرون

هذا الطبق كيجي بنييييييين بزاااااااف أكتر من رااااااائع و هذا بشهادة زوجي لي قالي الله يعطيك الصحة عمرني مكليت شي طاجين ديال الحوت بهذه البنة


المقادير:

4 سمكات من نوع الدنيس ( يمكن لكم اتستعملو أي نوع بغيتو )
200g قمرون
200g شعرية صينية
بطاطة مصلوقة نصف صلقة ( الجهد لي فرشنا المول )
3 طماطم مقطعين دوائر
1 فلفلة حمرة صفرة و خضرة مشوية و مقشرة بلا منقسوها بالماء
قليل من الزيتون الأخضر
عصير الحامض
زيت الزيتون
صلصة طماطم مصبرة
تومة محكوكة
معدنوس مقطع
قصبر مقطع
هريسة
2 ورقات الرند
ملح
إبزار
كمون
تحمرة
قصبر حبوب مطحون
سكنجير
ملعقة زبدة





الطريقة: ننضف السمك جيدا تم نفتحه من ضهره و ننزع الهيكل العضمي و نحتفض به تم نقيوه من الشوك باستعمال النتاف و ينضف من الداخل نفرغ الرأس من الزعانف و نضفوه جيدا و نخليواه يستقطر











في إناء نخلط التوم + المعدنوس + القصبر + هريسة + ملحة + قصبر حبوب + إبزار + كامون + تحميرة + عصير حامض، نشرمل السمك بهذا الخليط جيدا ونتركه لمدة 1h في الثلاجة











في هذه الأثناء كنوجدو الحشوة, تنقشر القمرون ونحتفضو بقشوره أنا شريتو مقشر تنوضعوه في مقلات فوق النار مع الزبدة و الملح و الإبزار ونخليواه حتى ينشف من الماء تماما









في إناء فوق النار نضع الهيكل العضمي لي سمك + قشور القمرون + ورق الرند + قصبر حبوب + هريسة + ملح + تحمرة + كمون + إبزار + سكنجير + ثوم محكوك + ماء كنخليو الكل يطبخ حتى نحصل على مرق سمك كنصفيواه في الصفاي و كنحتفضو بكأس صغير من هذا المرق و الباقي كنصبوه على الشعرية الصينية و هو مازال سخون كنخلوها حتى ترطاب و نستقطرها من الماء من بعد كنقطعوها بالمقص

















في إناء نخلط التوم + المعدنوس + القصبر + هريسة + ملحة + قصبر حبوب + إبزار + كامون + تحميرة + عصير حامض + زيت الزيتون ثم نضيف الشعرية الصينية و قليل من الزيتون مقطع رقيق و قليل من الفلفلة ألوان مشوية و مقطعة رقيقة ثم قمرون لي حضرناه من قبل نقوم بخلط العناصر جيدا تم نعمرو السمك بهذه الحشوة



















في إناء نخلط التوم + المعدنوس + القصبر + هريسة + ملحة + قصبر حبوب + إبزار + كامون + تحميرة + قليل من صلصة الطماطم تم كنحتفضو بقليل من هذا الخليط و الباقي كنشرملو فيه البطاطس و كنستفوها في مول مستطيل كنخدو شرمولة لي حتفضنا بها و كنقطعو الفلفلة المتبقية شرائع و تنشرملها ونستفها فوق البطاطة من بعد كنستفو السمك فوق البطاطس و الفلفل





















في إناء نخلط التوم + المعدنوس + القصبر + ملحة فقط ( حيت مطيشة مكتجيش زوينة إلى زدنها العطرية هكا كتجي بنينة ) و كنشرملو طماطم بهذه الشرمولة و كنستفوها فوق السمك, في الأخير كناخد كأس ديال المرق لي حتفضنا بيه و كن ضيفولو قليل من صلصة الطماطم و قليل من زيت الزيتون و تنصبوه في المول غير من الجنب ثم يطها سمك في فرن معتدل لحرارة













يزين بالزيتون و يقدم بالصحة و العافية

















كنتمنى تعجبكم الوصفة و تجربها