سواري بموس شوكولا و موس فريز رااقيه جدا جدا جدا بالتفصيل

سواري بموس شوكولا و موس فريز




السلام عليكم و رحمة الله
نتمنى من الله تكونو جميع فاحسن الاحوال يا ربي امين
هاد السواري كيجيو راقيين بزآآآآآآآآف و رآآآآآآئعين للحفلات و المناسبات او حتى لينا اذا بغينا نعملو شى حاجة غير عادية و نفرحو عائلاتنا
انا هنا عملت موس بالفريز و موس شوكولا بدون بيض ديال شاف انطونيو هي لي معتمدة عندي حيت كتجي معلكة بزآآآآآآاف و لديدة جدا
نتمنى من الله انها تعجبكم



على بركة الله سنحتاج ل
موس شوكولا بدون بيض الوصفه من هنا

http://aarabwomen.blogspot.com/2014/09/blog-post_61.html

انا هنا عوضت النوازيت بالپرالين
 

موس شوكولا بالفريز
250 غ فريز مطحون
200 مل كريم سائل
3 غ دوبتها فقليل من الماء المغلي و خليتها تجمد او6 غ جيلاتين او 2 ورقات جيلاتين
عصير نصف حامضة
100 غ سكر او حسب الدوق
كيك جنواز عملتها فمول مستطيل و خليتها فالفران تقريبا 25 دقيقة كنت باغاها تكون بحال بسكوي ماشي اپونجي
نوڭاتين و اشكال من الشوكولا للتزيين


اذن على بركة الله
نعملو agar او الجيلاتين يدوب فقليل من الماء اذا غادي تستعملو agar كيخصو يدوب فماء غليان جدا



نعملو الفريز و الحامض و السكر على نار مهيلة حتى الغليان



نضيفو الجيلاتين و نحركو حتى يدوب
نزلوه من النار و نخليوه يبرد



نطربو الكريم الكريم هنا خاصو يكون مطرب خفيف جدا و الا اذا طرب و تكثف اكتر من القياس ماغاديش يتخلط مزيان و غادي يتكور و الموس ماغاديش تكون معلكة
دائما فالموس كنطربو خفيف جدا وكتلمع عند التقطاع

نخلطو الكريم و الفريز لي خاصو يكون بارد ماشي سخون و الا غادي يدوب لينا الكريم

نعملو الموس فالقوالب ديالنا او فمول دائري او كبير و ندخلوهم للمجمد تقريبا 6 ساعات انا خليتهم باتو ليلة كاملة حيت كلما بقاو فالتلاجة كل مالاطعم عاد كيبان اكتر



حضرت موس الشوكولا و عملتها فالقوالب و دخلتها للمجمد





بالنسبة لهاد الناپاج لي عملت على الفريز
خديت فقط 100 غ فريز و قليل من عصير الحامض و تقريبا 3 غ جيلاتين و 60 غ سكر
عملت الفريز يغلي مع الحامض و السكر و ضفت الجيلاتين



خليتو برد و عملتو على الموس منين خرجتها من الثلاجة

هنا عملت على الموس شوكولا ڭناش بالقهوة و نستلي من هنا او اي شكلاط او ڭناش تفضلوها

هدا البسكوي لي عملت من تحت نسيت ما صورتو هههه





الموس ديالي ها هي وجدات زوقتها بهاد الاشكال لي شفتيو و نتمنى من الله انها تعجبكم و نكون سبب لادخال الفرحة لقلب عائلاتكم



لا تنسوني من صالح دعائكم وفي امان الله