بيتزا بلا فران ساهله و تحمر الوجه بالتفصيل

بيتزا بلا فران

هاد الطريقة د البيتزا كتنفع يلا مافينا ميشعل الفران هههه او تقادات البوطة د الفران بهاكدا نلقاو البديل اللي فنفس الوقت كيعطي نتيجة جد مرضية

نبداو على بركة الله


البيتزا


المقادير

*هاد المقادير كيعطيو 2 من قياس البيتزا اللي تشوفو فالاخير يعني تقدرو ديرو غير نص المقادير*

3 زلايف دقيق
2 م ك نيدو
1 م ك خمارة الحلوى
4 لفاش كيري
ملح و ابزار
ربع كاس زيت زيتون
ماء

الحشوة

صلصة البيتزا
موتزيريلا
فرماج احمر
زعتر
فلفلة خضرا
ممكن طون او كفتة او فواكه البحر......

الطريقة

نخلط الطحين نيدو خمارة ملح و ابزار نزيد لافاش كيري ونخلط ونجمع الكل بالماء و في الخير نزيد زيت زيتون و ندلكها مزيااااان ونخليها ترتاح

وفهاد الوقت نوجدو الحشو


هنا من بعد مارتاحت العجينة





نطلقوها و نثقبوها بالفورشيط





ناخذ المقلة اللي نكونو مسخنينها من قبل وندهنوها بشويييييييييييييييييييييية زيت زيتون ونطلق العجينة عليها - العافية تكون متوسطة- تقدرو تقلبوها يلا بغيتو مي واخا متقلبش راها كطيب من جميع الجوانب




منين طيب نطفي عليها ندهنها بصلصة البيتزا موتزيريلا محكوك زدت طون و الفلفلة خضرا مقطعة رقييييقة و من فوق موتزاريلا مخلط مع فرماج احمر





نرجع نشعل عليها نغطي المقلة من فوق ونخليها غير يذوب الفرماج و تكون واجدة وماكاتاخدش الوقت بزاف والنتيجة هاهي