طارطوليت سوفلي بالطون
المقادير:
العجينة:
غ125 دقيق الفورص
60غ زبدة العبار باردة
2 معالق الحليب بارد أو أكثر على حسب الدقيق
ملح
الحشوة:
120غ طون مصفي من الزيت
2 بيضات كاملين
2 فروماجات كيري
نص خمارة الحلوة
1 ملعقة كبيرة دقيق
ملح
ابزار
الطريقة:
نبداو بالعجينة...نغربل الطحين و نزيد عليه قبيصة الملح و الزبدة مقطعة طريفات
نرمل الخليط بأطراف الأصابع حتى يولي بهاد الشكل
نزيد عليه الحليب و نجمعو بين يديا بلا ما نعجن يعني كيبقى مفرتت
نديرو فبلاستيك غدائي و ندخلو للثلاجة لمدة نصف ساعة على الأقل
كلما خليناه أكثر تكون النتيجة أحسن و تحصلي على عجينة تشبه العجين المورق
نسرح العجين ...نقطعو دوائر و نلبس بيه مولات الطارطوليت
نرجع المولات الملبسين بالعجينة للثلاجة بينما وجدت الحشوة
نخلط كل عناصر الحشوة
و نعمر بيها المولات
و ندخلهم للفران يكون مسخن من قبل
و نخليهم يتحمرو و ما نفتحش عليهم الفران بحال إلا كنطيبو الكيكة
و ملي يتحمرو نخرجوهم من الفران نرشو عليهم شوية الفروماج محكوك
و نقدموهم سخان
و بالصحة و الراحة
اللهم أدمها نعمة و بارك لنا فيها و احفظها من الزوال
ليست هناك تعليقات:
إرسال تعليق