البايلا

السلام اخواتي أنا من محبي الوصفات السريعة ولكن تكون لذيذة
لهذا كيعجبني نتقاسم معاكم اطباقي واليوم غادي نقدم لكم بايلا سريعة وبنينة متسخايش بها
المقادير :
بصلة + 2 مطشات + ثوما + ربيع + كريفت + كلامار+ اسكالوب دجاج + خيزو + فلفلة حمراء و صفراء + ملح + ابزار + سكنجبير + خرقوم + ضويمة ثومة، ربيع، زعفران + ضامة د البنة + بهارات البايلا+ زيت بلدية + الروز

في كوكوط كنديرو البصلة و مطيشة و الثومة محكوكين

من بعد كنضيفوا كل المقادير اللي بقات

كانشحروا هاد القوام مزيان حتى يغليوا

كانضيفوا من بعد الروزاللي نقعتو من قبل في الماء لمدة 3 ساعات

كانشحروا الروز مزيان مع القوام

كانمرقوا الكوكوط مع شرط يكون الماء كيساوي مرة و نصف من كمية الروز اي مثلا الا درنا زلافة د الروز نديروا زلافة و نصف د الماء و نسدوا على الكوكوط و نحسبوا 10 دقايق ملي تدور الصفارة

ها البايلا وجدات نالصحة و العافية