هريسة او صوص حارة بالصور

 

 

بسم الله الرحمن الرحيم

 

السلام عليكم ورحمه الله وبركاته

 

اخواتي الغاليات اليوم وجدت هاد الصوص وقلت نفيدكم بطريقتي راه كتصلاح بزاف وممكن تزيديها في صوص ديال ماطيشا وحتى في نصيب ديال القطاني وممكن تقدميها مع ليباط او الحوت 

 

 

المقادير 

 

 كمية من الفلفل الحار للاسف موزنتش الكمية بصح الصورة توضح انشاء الله
3فلفلات حمراوات
5 فصوص ثوم
ملح
نصف ملعقة قصبر مطحون
ربع معلقة كروية
ملعقة صغير خل
ملعقة كبيرة مطيشة ديال الحك
نصف كاس زيت الزيتون

 

الطريقة

 

 

قطعي الفلفل الاحمر وحيدي البدر ديالو
قطعي الفلفل الحار مع البدر ديالو اضيفي الملح والثوم حطي فوق النار حركي حتى يسخن مزيان وسدي كوكوت لمدة 7 دقائق على نار ناقصة
طحني كلشي في مولنكس مع اضافة باقي المقادير ماطيشا والخل والكروية والقصبر يابس وزيت الزيتو ن وحطيهم في كاسرونة وخليهم يتشربو مزيان الماء لي طلق الفلفل واحد 5 حتى 10 دقائق
الكاسرونة لي استعملت ما تلصقش
خليها تبرد وحطي في قرعة ديال الزجاج 

 

 

 

حطيها في قرعة زجاجية وغطيها بزيت الزيتون
او ممكن تحطي في بواتات بلاستيكية الا بغيتي تجمديها

انشاء الله تعجبكم
ملاحظة استعملي قفازات بلاستيكية فاش تقطعي الحرور والا انتبهي وخا تغسلي يديك سيبقى اثرها على يديك فلا تلمسي وجهك او اي منطقة حساسة وشكرا