صلصة الكاتشوب مجربة بالصور والتفصيل الممل

بسم الله الرحمن الرحيم

السلام عليكم ورحمة الله وبركاته

وصفة اليوم
 

 

 

صلصة الكاتشوب مجربة

 

المقادير : كيلو ونصف طماطم حمراء + 100 غ سكر لي كيساوي نصف كأس زايد شوية+ نصف كأس خل + م ص ميزينا + ربع م ص ملح + رشة إبزار أبيض






قطعت مطيشة على زوج ونزلتها فالطنجرة على الجهة لي مقطعة كيف واضح باش تنزل لما ديالها بسرعة ومتحرقش حيت مغديش نعملو لما



ضفت مطيشة كاملة وغطيتها مزيان على عافية مهيلة شوف كيف طلقت لما



منين طابت طحنتها فالخلاط الكهربائي






وصفيتها ورديتها للطنجرة تغلي



ضفت عليها السكر والخل والنشا لي كنصحكم تدوبوه ف م ص د لما عاد تضيفوه




هنا بدات كتشرب وتعقاد ضفت عليها لملح وادا حسيتي انها معقداش مزيان ممكن تضيفي شوية د ميزينا





وهاهي واجدة وزنتها وها النتيجة



فالحقيقة انا عجبتني بزاف وكنتمنى تعجبكم وتكون إضافة جديدة لوصفاتكم










لاحضي كيف خاترة

ممكن لي كتعجبو نكهة القرفة في الكاتشوب يضيف م ص


عمرتها فقريعة ديال الكتشوب لي تسالا  بالمناسبة هاد كاتشوب كنشريوها ب 16 درهم

وعملو لحساب شحال غادين نوفرو زيادة على صحتنا لي لا تقدر بثمن



كنتمنى تجربوها وتنال إعجابكن