بسبوسة معلكة
هذي بسبوسة تتجي معلكة او لذيذة كليتها عند الاخت ديالي عجباتني بزاف جبت التطبيق ديالها ان شاء الله تجربوها او تعجبكم
2 بيضات
كاس معمرش سنيدة
2 كسان ياغورث بنكهة البنان
معلقة كبيرة زبدة
ساشي ديال الفاني
كاس لوز مطحون بالقشرة ديالو
كاس سميدة رقيقة
كاس كوك قبصة ملحة
2 خمارات تنخلطو هذ العناصر مع بعضها او تنزيدها على
2 بيضات+ كاس معمرش سنيدة واحد الفاني تنخدموهم مليح بالطراب الكهربائي + الزبدة+دانون تنكونو دهنا مقلة الثقيلة بالزبدة او رشينها بالسميدة تنخوو الخليط فيها او ندخلها للفران طيب
السيرو
كاس سنيدة + كاس ماء +طرنش ديال الحامض تندرهم فوق نار مهليلة حثى ادوب السكر ملي ابداو اديرو فقاعات صغيرة تنزوله
ملي طيب البسبوسة تنخرجوها او نسقيوها ثم تنرجعوها للفران 3 الدقايق
ملي خرجتها زوقتها بالكوك امكن دير لوز او اي حاجة بغيتو
نصيحة
ضروري مترجعوها للفران بعد ماسقيتوها
من الاحسن تخلوها مدة طويلة تبرد او شد فراسها عاد تقطعوها
امكن تستعملو مول عادي بدل المقلة غير بعدوه من العافية
عوض سيرو بالحامض امكن تنسمو بالفاني او الليمون
ليست هناك تعليقات:
إرسال تعليق