السلام عليكم و رحمة الله تعالى و بركاته
نتمنى من الله تكونو جميع فاحسن الاحوال يا ربي امين





الصفة ديال اليوم باذن النوكا كلاصي بالشكلاط و اللوز
اذن على بركة الله ندوزو للمقاير

2 ابيض البيض
120 غ شكلاط اسود
80 غ دالعسل
60 غ داللوز مهرمش و محمر
20 cl ديال الكريم فريش
بالنسبة للكاس ديال الشكلاط غادي نحتاجو باذن الله
دائرة
ورق السلفسريزي
شكلاط
اذن على بركة الله غادي نحمرو اللوز و نهرمشوه ونخليوه على جنب



ندوبو الشكلاط فبان ماري ونخليوه يبرد ثم نضيفو ليه اللوز المحمر

نديرو العسل على نار مهيلة جدا ومنين يبدا يغلي نزولوه من على البوطا

نطربو ابيض البيض حتى يولي بحال الثلج ثم نضيفوعليه العسل السخوووون


ثم نضيفو الشكلاط و اللوز نخليو الخليط على جنب يبرد




فهاد الاثناء نطربو الكريم فريش و نضيفوه للخليط و نديروه فالمول ديالنا وندخلوه للكونجيلاتور على الاقل 10 دالسوايع
ثم نحضر الكاس دالشكلاط


ناخدو ورق السلفيريزي و نقطعوه فحجم اطول من حجم الدائرة لي عندنا اوعلى حسب اختياركم
و نلصقوالاطراف من الداخل
و نحطو ه على ورق اخرديال السلفيرزي

ث ناخد الشكلاط و نبداو نعمرو الوسط اولا

ثم نمرو للجناب و نخليوه بشكل عشوائي و يمكن ليكم تشكلوه كيفما بغيتو





ندخلوه للثلاجة حتى يقساح ثم نبدونخرجوه الكاس ديالنا بشوية بشوية
انا هنا دهنتو باللون البني


هاو منين وجد حطيت فيه لاكلاص ديالي و رفقتو بالجلي ديال التوت الاسود مطرب بالكريم فريش
دعاتكم معايا اخواتي و اي استفسار انا رهن الاشارة
في امان الله