بلا مانطول عليكم هادي يمكن أحسن فوري يمكن توجدوها في بيوتكم للإشارة عجينة الكرواصة خديت مقاديرها من المنتدى وكنشكر مولاتها بزاف بالنسبة للحشوة فهي من اجتهادي الشخصي لأن معظم حشوات الفوري اللي لقيت في الأنتيرنيت ديال اللوز وأنا ماكانش عندي اللوز فعوضتو بكاوكاو والنتيجة كانت كرواصة ولا أشهى نخليكم مع المقادير والطريقة
بالنسبة للعجين
3 معالق سكر
معلقة صغيرة ملح
20gخميرة العجين
كاس كبير ماء بارد
50gزبدة لينة
500g طحين
200g زبدة للتوراق
بالنسبة للحشوة
200g كاوكاو محمر ومطحون
100g سكر كلاصي
قطرات من روح اللوز
معلقة صغيرة مربى
معلقة كبيرة ماء الزهر
معلقة كبيرة زبدة
أول حاجة وجدت عقدة كاوكاو دوبت الزبدة وزدتها على المقادير الأخرى حتى حصلت على كورة غطيتها وخليتها
عجنت العجينة وخليتها ترتاح نص ساعة
طلقت الزبدة ودخلتها المجمد نص ساعة منبعد طلقت العجينة ودرت وسطها الزبدة المجمدة في الوسط وغطيتها بجناب العجين كملت طي العجين بحال المسمن نخليكم مع الصور
سرحت المربع حتى ولى على شكل مستطيل طويل جمعت جنابو للوسط وعاودت طويتو
عاودت طويتو على الطول ودخلتو للثلاجة نص ساعة كررت هاد العملية 3 المرات وفي المرة الرابعة خليتو في الثلاجة ساعة باش يسهال عليا في التسراح
سرحت العجينة كيف العادة وقطعت مثلثات سرحت كل مثلث ودرت فيه كورة من العقدة ولفيتو من القاعدة للراس وهادي هي النتيجة
خليتهم يخمرو 3ساعات دهنتهم بخليط بيضة وشوية الخل ودخلتهم للفران سخون على حرارة عالية 200درجة لمدة نص ساعة
هاهوما منين طابو
وفي التقدم زينتهم بالمربى والكاوكاو مهرمش
ليست هناك تعليقات:
إرسال تعليق