السلام علكيكم ورحمة الله وبركاته
جبت ليكم مخمار ولا بطبوط كل واحد كيف كيسميه ولكن بفليو صحي وغزاال
سمحولي مصورتش العجينة نسيت المهم مقادير عادية ديال الخبز نخليوها تخمر من بعد نعملو كويرات صغار ونعمروهم
مقادير الحشوة
فليو يكون كتير شوية نغسلوه مزيان تم نغسلوه بالملحة ونقطروه من بعد نقطعوه
وناخدو البصلة تكون خضارية نقطعوها ونشحروها
ونضيفو ليها العطرية اللي هي شويييية الملح حيت حنا غسنا بيها فليو ودرنا شوية مع البصلة تتشحر والكامون والتحميرة وابزار واللي يبغي السودانية يضيفها
واكيد الزيت البلدية تكون كتيرة شوية والشحمة محكوكة انا درت غير شوية مبغيتش نكتر
نخلطو كولشي ونبداو نعمرو الكويرات حتا نكملهم عاد نطيبو فالمقلة التقيلة
ممكن نديرو 2 كويرات ونقرصو وحدة شوية تم نديرو العمارة ونغطيو بالتانية وممكن نديرو كورة وحدة ونقرصوها شوية ونعمرو ونجمعو الجوانب
انا هنا درتهوم كبار ودرت بزااف درتهوم فالفريكو
اللي عجبها الموضوع تدعي معايا دعيوة فضهر الغيب ولها بالمثل
ليست هناك تعليقات:
إرسال تعليق