مساءكم سعيد انيقاتي والله يجعل ايامكم كلها سعادة وهناء يارب
اليوم حداكيت ههههههه ووجدت هد بغيريرات بمقادير بسيطة جاو فنين نتمنى يعجبوكم انيقاتي
المقادير
زلافة كبيرة قمح حرش
وربع زلافة فورص
قريصة ملح
ملعقة خميرة
ملعقة عسل
قشرة ليمونة محكوكة
وخمارة الحلوة
وفواكة جافة مقطعة رقيقة للتزيين
الطريقة
كنديرو نصف لتر ماء دافي وملح وخميرة في خلاط
ونضيفو قمح وفورص
ولعسل ديال الف وردة لبنات لفي الخارج عرفينو فحالو فحال لعسل لحر مداقو غزال وممكن نعوضوه بالعسل العادي
تم قشرة ليمون
وخمارة الحلوى في الاخير
كنفرغو في شي إناء ونخليه 10 دقائق
من بعد كنعاود ندورو في خلاط مزيان
ونبدا نطيب فيه غير كندورو بمغرفة في مقلة ونرمي حبات فواكه جافة غير كل حبة في جهة كيفما في صورة
كيجي غزال في المنضر وحتى بلى كتاكليه مع دوك طريفات فواكه ياسلآآام ومنسم بالعسل وليمون كاع مايحتاج للدهن وبالصحة وراحة البال يارب
نتمنى يعجبكم وتجربوه
ليست هناك تعليقات:
إرسال تعليق