هاد الكلاص دلبنان تيجي لذيذ وساهل فالتحضير ديالو، وفوق من هاد الشي تيبقى صحي، ودبا نخليكم ان شاء الله مع الوصفة
2 بنانات
كاس دانون
3 معالق كبار سكر بودرة
فاني سائلة
جبنة كريمية ( أنا مكانتش عندي درت غير فروماجة عادية)
قطع شكلاط
تنقطع البنان إلى دوائر، وتنديرهم فالخلاط، وتنضربهم مزيااان
من بعد كنزيد السكر والفاني ونخلطهم تاني مزيان
كنزيد دانون والفرماج ونخلطهم مزيان
حتى كيولي بهاد الشكل، كنحتفظ بيه فبواطة وتندخلو للمجمد
من بعد مكنحس بيه جمد تنخرجو ونعاود نضربو فالخلاط باش نكسرو داك الثلج اللي قدر يتكون، ثم نرجعوه للمجمد ساعة
نعاودو هاد العملية 2 ديال المرات، وفالمرة الأخييرة كنزيدو عليه طريفات الشكلاط ونخلطو مزيان بمعلقة ونخليه يجمد
وهذا هو الشكل النهائي ديالو، أنا زينتو بالبنان والعسل من الفوق ممكن تديري صلصة التوفي أو أي صلصة كتفضليها
كنتمنى يعجبكم ان شاء الله
ليست هناك تعليقات:
إرسال تعليق