هاد الديسير ساهل ماهل، مقادير ديالو جد بسيطة، كيجي لذيذ ومفركس هههه
ودبا ندوزو للمقادير ديالو ان شاء الله
بسكويت أو فقاص
2 معالق صغار كونفتير
باكية فلون
1/2 حليب
شوي ماء زهر
سنيدة حسب الذوق
فواكه مشكلة حسب اللي متوفر عندك
كنديرالبسكوي في الطحانة، ونهرسو مزيان حتي يولي بحال البودر
كنخلطو مع الكونفتير مزيان
من بعد كنديرو فالمول ونبسطو بيديا مزيان، حتى يولي عندي طبقة مسطحة
دخلتو للفران باش يتماسك شوية مدة 10 د
كناخد لفلون ونخلطو مع سنيدة فشي زلافة، باش منين نديرو على لحليب ميكورش ليا
كندير لحليب فوق لبوطا، وكنخوي عليه لخليط ديال لفلون قبل مايبدا يسخن، باش نضمن مرة أخلى يتكورش ليا، وكنخليه حتى يغلى
من بعد كنخليه شوية حتى يدفا عاد كنكبو فلمول فوق لبسكوي
دختلو للثلاجة.هاهو منين جمد
وهاهي الصورة النهائية ديال الديسير ديالنا
كنتمنى نكون قدمت ليكم فكرة جديدة ويعجبكم الطبق
ليست هناك تعليقات:
إرسال تعليق