كعب الغزال بالشرح المصور

السلام عليكم ورحمة الله وبركاته

اليوم ان شاء الله نقدم لكم حلوة كعب الغزال التقليدية نتمنى تنال اعجابكم




مقادير العجين

500 غ طحين
1 معلقة كبيرة سكر صقيل
قبصة ملح
1 معلقة كبيرة ماء زهر
120 غ زبدة مذابة
ماء لجمع العجين او ماء زهر

*ندلكو العجينة مزيان و نخليوها ترتاح فميكة واحد ساعة عاد نخدمو بها وهذا هو السر باش ما تجيناش قاصحة *



*للاشارة هي نفس العجينة لي عملت فحلوة المفلحة

عقدة اللوز


500غ لوز+200غ سكر سنيدة +2 معالق كبار زبدة +معلقة صغيرة قرفة+ماء زهر للتنسيم


الطريقة بالشرح المصور



لوز مفسخ ومنشف مزيان



نطحنوه المرة الاولى بوحدو





نضيفو الزبدة والقرفة وماء الزهر



ونجمعو العقدة ديالنا




كنطلقو العجينة بالدلاك او من الاحسن بالمكينة ونشكلو الشكل د الكعاب بالعقدة



ونغطيوها بالعجين بهاد الشكل



ونقطعو الكعبة ديالنا ممكن نخليوها هكذا او نقشوها بالمنقاش الخاص بحلويات اللوز


ولتسهيل العملية خصوصا للمبتدئات كنعملو الكعبة ديالنا فوق طبسيل بهاد الشكل



ونقشوها كتجي سهلة


نخليو الكعاب مدة ممكن ليلة عاد نطيبوه وقبل ماندخلوه للفران نتقبوه بابرة شي 3 ثقبات وما نخليوهش يتحمر





وهالنتيجة وبالصحة والراحة