طارطه فلة للبنوتات بالصور

بسم الله الرحمن الرحيم 

 

 

السلام عليكم ورحمة الله وبركاته

 

 

طارطه فلة للبنوتات

 

 

الجنواز
زلافة بيض نعبرو بالزلافة ديال الطاوس ديال الحريرة
زلافة سنيدة
زلافة دقيق الفورص
قشور حامضة
معلقة كبيرة فانيلا
2 خمارات حومر
للسقي
علبة فواكه مصبرة ناخدو السيرو ديالها
للتزيين
الفواكه المصبرة الي خدينا منها السيرو
علبة كريم فريش انا شريت ديال يطرو بلحق شاطلي منها
صورة باربي وهي عبارة عن باسطا كاتباع فالمحلات ديال لوازم الحلويات
وريدات بعجينة السكر
مقادير عجينة السكر انا خديتها من الاخت نجاة تادلة
200 غ من السكر كلاصي
1 ورقة من الجيلاتين
15ماء
25غ من العسل8غ من الزبدة
ملون وردي اصفر
االطريقة
الجنواز
نضرب البيض بالضراب الكهربائي جيدا وننضيف سنيدة ونضرب جيدا نخلط الدقيق مع الخميرة ونضيفهم مع الفانيلا وقشور الحامض


يوضع الخليط في مول دائري ملبس بورق السورفليزي ويدخل الفرن



نكون قد جهزنا عجينة السكر انا فالحقيقة صعاب علي باش نعبر المقادير لدلك ميزت اوصافي عملت 4 معالق كبار ماء ونصف معلقة صغيرة زبدة ونصف م ص عسل على نار هادئة مع ورقة الجيلاتين مرطبة مسبقا فالماء ومعصورة منين داب الكل عملت السكر وخدمت باليد حتى تشكلت عندي عجينة فالاول جاتني جارية زدت ليها السكر وخدمتها جيدا باليد الله يحفض الاخت نجاة تادلة منها خديت الفكرة والطريقة







منين طابت الجنواز قسمتها على 2 وزولت ليها الجوانب بالاطار الدائري وعملها في الطار وسقيتها بالسيرو
عملت لكريما بردت مزيان في المجد وضربتها



عملت الكريما فوق الجواز عملت كمية وفيرة وعملت فوقها الفواكه المصبرة


عملت القطعة الاخرى من الجواز فوق الكريما سقيتها بالسيرو وعملت فوقها الكريما ودخلتها المجمد شي ساعة



سرحت عجينة السكر عملت بها وردات الجوري ههههههههه انا











زولت الطار

عملت الصورة في الوسط تدهن بالناباج عملت بالبوق وريدات عملت فوق كل وحدة وريدة السكر وعملت الكريما في الجناب ديال الطورطة وزينت بالحلوى دائرية فوسطها الشكلاط