بسم الله الرحمن الرحيم
السلام عليكم انيقاتي صباحكم مبروك
هاد الحلوى الملفوفة كتجي خفييفة و بنينة
مقادير الكيكة
3 البيضات
125غ سكر كلاصي
125غ دقيق
7 المعالق كبار ماء دافئ
4 المعالق كبار عصير حامض او برتقال
2 خميرات الحلوى
قرييصة الملح
مقادير الكريم باتسيير
معلقة كريم باتسيير غبرة ( لي بغى يدير كريم باتسيير فالدار يكون احسن )
ربع لتر حليب
2 معالق سنيدة
شوية الفاني
انا هنا عملت معاهم الفريز و لي ما بغاهش بلاش
كريم شانتللي للتزيين
الطريقة
نطربو البيض مع قريصة الملح مزيااان و نزيدو السكر كلاصي و نعاودو نطربو مزياان و نزيدو من بعد الماء و عصير الحامض او البرتقال و من بعد نزيدو الدقيق و الخمارات مغربلين و نطربو مزياان و نشدو مول مربع و نغلفوه انا هنا عملت بابيي الومنيوم هو لي كان موجود عندي يكون مدهون و مرشوش بالدقيق و نخويو فيه الخليط و ندخلوها للفرن على نار مهيلة راه ضغيا كتطيب
نوجدو الكريم باتسيير
نعملو الحليب و الغبرة ديال الكريم باتسيير و سنيدة و الفاني و شوية دالفريز اختياري و نطحنو الكل بالميكسور و نعملوه فوق البوطة على نار مهيلة مع التحريك حتى يعقد
و من بعد ما نخرجوها نكونو موجدين زيف مبلل و نحطوه لتحت و نحطو فوقه الكيكة و نلويوها بالزيف و نخليوها شي نصف ساعة او اكثر و من بعد نحلوها و ندهنوها بالكريم باتسيير و نعاودو نلويوها و نزينوها بالكريم شانتللي و التزيين حسب الذوق
و ممكن نزينوها بالكريم باتسيير عادي في الوسط و فوقها نزينوها بالشكلاط اسود مخلط مع دانيت ديال الشكلاط حتى هاكا كتجي فننة
الصور توضح
نتمنى تعجبكم
في امان الله و ما تبخلوش عليا بدعواتكم
ليست هناك تعليقات:
إرسال تعليق