بريوش الدلاح واعر المنظر والمذاق بالصور اكيد

بسم الله الرحمن الرحيم 

السلام عليكم ورحمة الله وبركاته

بريوووش كيجي هشيش و غزااااال خصوصااا االمنظر , 

 المقادير و الطريقة بالصور

المقادير
375 غ دقيق
250 مل حليب
80 غ حبيبات الشكلاط او 120 غ زبيب
21 غ زبدة
15 غ سكر او م.ك
3 غ ملح او ربع م.ص
8 غ خميرة جافة
صفار بيضة
ملون احمر و اخضر
الطريقة

1 ـ في اناء نديرو الحليب مع الزبدة و ندخلوهوم لميكروند حتى دوب الزبدة من بعد نضيفو السكر الملح الخميرة و نحركو الكل حتى ذوب الخميرة و عاد نضيفو صفار البيض .

 
2 ـ نضيفو نصف كيمية الدقيق و نخلطو من بعد نقسمو الخليط على جوج و من الاحسن يكون نصف اكبر من الاخر شويش , النصف الصغير نلونوه بالاحمر و نضيفولو حبيبات الشكلاط و النصف الاخر نقسموه على جوج واحد نضيفو له اللون الاخضر و الاخر نخليوه كيفما هو .

3 ـ من بعد نضيفو الدقيق المتبقي حتى نحصلو على عجين لين بالنسبة للكرات بثلاثة ( بالنسبة ليا العجينة خداتلي 450 غ دقيق المهم نتوما عجنو و عينكم ميزانكم الى خاصها الدقيق زيدوها شويش بشويش ) نغطيو الكويرات و نخليوهم حتى يضاعف الحجم ديالهم .

4 ـ ناخدو العجين الاحمر و نعطيوه الفورما ديال المول و نخليوه على جنب , و ناخدو العجين الابيض و نطلقوه بالمدلك مايكونش رقيق بزااف و ندهنوه ببياض البيض, نحطو العجين الاحمر فالوسط و نحاولو نسدو عليه , من بعد ناخدو العجين الاخضر و نطلقوه ندهنوه ببياض البيض و ناخدو العجين الاحمر لي ملفوف فالعجين الابيض ة نلفوه بالعجين الاخضر (  الصور غدي تشرح ليكم اكثر ) فالاخير نديرو العجين مفول مدهون بالزبدة و مرشوش بالدقيق و نخليوه حتى يخمر و يضاعف الحجم ديالو ثم الى الفرررررن حتى يتحمر و بالصحة و الراحة .

هده هي النتيجة

وبالصحة والراحة