اليوم إن شاء الله عندي وصفة الكوفيتير د الفريز لي مختالف شوية عن المعتاد و كايجي معلك و مذاق رائع و السر غاتلقاوه فالمقادير
حاجتنا لكيلو فريز مغسول مزيان و منقي + ليمونة مغسولة مقطعة طراف بقشورها + كيلوالا ربع ديال سنيدة + 2 فاني
ندير كولشي فشي جبانية
ونزيد سنيدة
و لفاني
ونخليه ليلة كاملة فالثلاجة
كايطلق الما ديالو بحال لي فالصورة
و نديرو فشي كاصرونة يطيب شي نص ساعة تقريبا على نار مهيلة و من بعد نطحنوه فالطحانة د مطيشة و يلا بان ليك باقي خاصو يتعلك ديريه يزيد شوية حتى يتعلك
كايجي بحال هاكدا
كايجي رائع
ليست هناك تعليقات:
إرسال تعليق