بسم الله الرحمن الرحيم
السلام عليكم ورحمة الله وبركاته
نقدم ليكم اليوم
كيكة بالفلان والكريم باتسيير واعرة
مقادير الكيك
2بيضات
7 ملاعق كبار
عصير برتقال
3 ملاعق سنيدة
7 ملاعق زيت
7 ملاعق
دقيق(انا درت 3 مايزنة و 4 دقيق باش كاتجي هشيشة)
مقاديرالكريمة باتسيير
ملعقة ونصف
بودرة كريم باتسيير
2 كؤوس حليب
2 ملاعق كبار
سنيدة
مقادير الفلان
عصير قياس 2
كؤوس عصير البرتقال(انا درت ديال الباكية)
1 فلان فاني(انا كان عندي كريم كراميل هو اللي استعملت داكشي باش اللون جا قهوي وبني)
1ملعقة مايزنة
3 ملاعق سنيدة
الطريقة
نطربو السكر مع البيض مزيان
وعاد كانضيف الزيت بشوي مع الاستمرار فالخلط
وكانضيف باقي المقادير
ونخوي طبعا فالمول(مول كايتحل من الجناب)
الكيكة خرجناها من الفرن
ندوزو للمرحلة الثانية وهي تحضير الكريمة
في كاسرونة
نديرو كل العناصر اللي سبق حطيت ونحركو مزيان ونردو فوق النار مهيلة حتي
تعقات الكريمة ونخويها فوق الكيكة والكريمة سخونة
ونديرو
الكيكة فالثلاجة الى حين تحضير الفلان
هادو العناصر اللي درت فالكريمة.
بعدما وجدات خويتها فوق الكيكة وهي سخونة ورديتها للتلاجة
الفلان كنوجدو بخلط جميع العناصر السالفة الذكر ونرد على
نار مهيلة مع التحراك حتى يبان لنا الفلان عقد شوي ونصبوه فوق الكيكة بعدما
كانت الكريمة شدات مزيان(وهو سخون)
بعدما خويتو فوق الكيكة
ونخليكم مع باقي الصور
اه نسيت ماقلت راه الشي اللي كايبان لكم داخل
الفلان هو الكركاع دردرت شي طريفات على الكريمة قبل مانخوي الفلان غير بغيت
ماشي ضروري.
واصلا يمكن
ديري موز دوائر فوق الكريمة او فريز او تفاح عاد باش تخوي الفلان الفوق
نخليكم مع الصور
ليست هناك تعليقات:
إرسال تعليق