بسم الله الرحمن الرحيم
السلام عليكم ورحمة الله وبركاته
فيلي مع بطاطا في الفرن
وصفة ساهلة لذيذة نوضو جربوها و ردو علي الخبار
المقادير
قطع اللحم فيلي أو كوطليط
الربيع + الملو و الابزار + زيت العود + شوية د الخل + بصلة مشلظة
نخلطو جميع هاد المقادير مع اللحم و نخليوه يشرب مزيان الشرمولة
ثم ندوزو للبطاطا نختارو بطاطا تكون شوية كبيرة ماشي بزاااااف غير القياس و نديروها تسلق بقشورها
في هذه الاثناء ناخدو مقلاة و نديرو فيها بصلة صغيرة مقطعة مربعات صغيرة مع الزيت البلدية و الزعيترة ( أنا كندير الزعتر فبلاصة الزعيترة) و فاش طيح البصلة نحكو فوقها قرعة خضرا و1 خيزو في الحكاكة الغليظة و نبداو نحركو حتي يطيبو
فاش تسلق البطاطا نحيدو ليها اللب ديالها فحال هاد الشكل
ونحتافضو باللبابة
حتي نكملو البطاطا اللي عندنا
ثم نزيدوها على خليط الخضر اللي عندنا و نحركو
ثم نضيفو تقريبا 2 معالق كبار ديال لاكريم فريش مع شوية د الملح
و نحركو نخليوه حتى تشرب لاكريم
ثم نعمرو بها البطاطا ديالنا و نحكو شوية الفرماج من الفوق و نستفوها فلاطة او مول و ندخلوها الفران حتى يذوب الفرماج
في هذه الاثناء نديرو الفيلي ديالنا فوق الشواية و الفاخر يتشواو
وها البطاطا فاش خرجناها من الفرن مذاق لا يقاوم
سمحولي ما سورتش الطبق النهائي و لكن كنصحكم تجربو هاد الوصفة مغديش تندمو عليها
ليست هناك تعليقات:
إرسال تعليق