اش
خباركم انيقاتي ان شاء الله تكونوا على خير
ليوم ان شاء الله غنعطي
لاخواتي
flan بالكوك
كنت لقيتوا فالنت وجربتوا وعجبني بززاف لديد وتيشهي
وتيطلع غززال وقدميه بوجهك احمر لمالين الدار او لشي عراضة عائلية
نبداو على بركة الله بالمقادير
علبة حليب محلى
ساشي فاني
125غ كوك
حليب عادي لكاس لي خوينا منو الحليب المركز هو نفسو غنعمروه حليب
3 بيضات الاصفر بوحدو والابيض بوحدوا
الكراميل
كاس سنيدة نعملوه فمقلاة تيفال ونشعلوا عليه عافية مهيلة حت يتكراميليزا ونطفي عليه متخليوهش بززاف يطيب حت يولي لونه غامق باش ميطلقش لمرورة ويقصاح
كناخد لاطة ونعمر نصفها بالماء وندخلها للفرن ونخليها تسخن فيه مزيان وهو شاعل
كيفية التحضير
الخليط 1
كنخوي الحليب المركز ونزيد اصفر البيض والفاني والحليب نطربهم مزيان ونزيد الكوك مع التطراب طبعا ونحتافظوا بيهم
الخليط الثاني
نطرب ابيض البيض مزيان مع شوية ملح حت يولي عاقد
نخلط الخليط 1 مع ابيض البيض ونحرك بملعقة خشبية حت تجانس جميع العناصر
ناخد المول لي غندخلوا للفرن ونخوي فيه الكراميل ومن بعد نصب الخليط لي وجدت
نعمل المول في اللاطة لي عمرتها من قبل بالماء وندخل لفلون للفرن يطيب مدة 40 دقيقة
ملي يطيب نخليه حت يبرد ونقلب المول فطبسل التقديم وندخله للتلاجة يبرد مزيان نقدر نزوقوا باش مابغيت اونخليه عادي
هاو ملي وجد
بالصحة والراحة
ليست هناك تعليقات:
إرسال تعليق