ليوم بغيت نشاركم كيكة ديالي العاديــة
بسم الله كنحتاجووووو
4بيضات
كاس سنيدة
كاس زيت
كاس لحليب
كاس عصير البرتقال
كاس دانون
3 خمارات
3 كيسان لفورص واكثر بشوية
فاني او قشور لحامض او البرتقال
الطريقة عادية كيف كل الكيكات
كنطرب البيض مع سنيدة و الفاني مزيآآآآآآان
من بعد كنضيف الزيت
كنضيف الحليب ودانون وعصير ليمون بتدريج
من بعد كنبقاو نضيفو في الدقيق بشوية بشوية ويكون مغربل
ونضيفو الخمارات في الاخير
كنديروها في مول يكون مدهون ونرشوه بدقيق وندخلها للفران يكون مسخن من قبل
فاش ندخلها الفران نشعل عليها غير لتحت ونقصو العافية على اقصي حد ونخليوها حتا تبان لينا تنفخات وريحتها عطآآآت هههه وتكون تحمرات من جناب عاد نحلو عليها الفران ونقلبوها بموس واش طابت ولا باقي،،من بعد نشعلو عليها العافية من الفوق باش تحمر
هنا فاش خرجتها من الفران.شوفو كيف جات ماشاء الله
دهنتها بمربى ورشيت عليها الكوك
ها هي كيف جات من لداخل.خفيفة وهآآآآائلة
عبرت بكاس العنبة
بعد المرات كنضيف 3 معالق الماء للخليط...كيخلي الكيك تجي مهوية اكثر من لداخل
فاش كطيب الكيك كنطفي الفران ونحلو ونخلي فيه لكيك شوية عاد نخرجها(باش ماتخرجش سخونة ويضربها ليا البرد هههه)وطفس ليا
الخليط ماخصوش يكون خفيييييف بزاف باش ماتجيش الكيك طافسة
ومايكونش تقيل بزآآآاف ماتجيش الكيك معجنة وثقيلة
امانـــة عليكم لي دخلات تدعي معايا دعوة الخيـــر ويكون لها بالمثل
ليست هناك تعليقات:
إرسال تعليق