وصفة اليوم
نيسلي كراميلي كيصدق واعر
المهم هذا نسلي كتكون نتييجتو ك نسلي لي شريتي ودرتيييه الكوكوط اولي كراميل وهنا بلا كوكوط ولا هم يحزنووون
على بركة الله
المقادير
2 كاس سنيدة
لتر حليييب
خمارة
فاني
فقط
هذه الكمية كتعطيييك 2 طاسات نسلي ونصفها
يمكن عمل نصف المقادير ولكن بهكا
نصف لتر حليييب
كاس سنيدة
فاني
خمارة
اي ماشي نصف فاني ونصف خمارة لا لا
الطـــــريقة
درت الحليب ف الكاسرووول وخويت عليه 2 كيسان سنيدة
ونضيف فاني
وخمارة
اكيد فيه فورااان
خلط الكل انداامج ودرتو على نار مهيييلة مرة مرة نحركو اي خصو شي 2 ساعات او 3 المهم حسب الحليييب الى درتي حليييب تاع البقر الاصلي نيييت راه ميوصل ساعتان ولكن الى الحليب تاع الميكات تاع الحوانت راه خصو 2 الى 3 ساعات
هنا راه بدا كيولي بني
يمكنك ان تزيليه ملي مزال هو ابيض ومختر شوية اي هذاك هم نسلي ملي تشريه مباشرة بلا مديريه ف الكوكوط
والى استمريتي اولي بني راه بحال الى درتييه ف الكوكوط
وهنا صافي راه واااجد وختر
وخليتو شوية ودرتو ف شي باطا والى الثلاجة راه كيصبر بزاف امكليك ديري بزاف وتخلي الباقي للعيييد الجاي ان شاء الله
والمهم درتو ف شي باطا وخليتو ازيد ابرد ونديرو ف الثلاجة
وراه عندي واحد ختي كل شوية ملي كيطيييب كتااخد معيييلقة وتبدا تاكلو هههه
و الان ها نسلي عندكم ف داااركم باسهل الطرق
دعيو معايا الله استر عليكم
في امان الله
جربوه على حسابي والله العظيم الا تيجي بحال نيسلي تماما وغزال وغاية في روعة
ليست هناك تعليقات:
إرسال تعليق