دجاجه محمرة مجمرة وبنينة

اخواتي الغاليات هادي طريقتي البسيطة والصحية طبعا


المقادير
دجاجة مغسولة بالحامض والملحة
معدنوس راس كبير ثوم
ملعقة موطارد
تحميرة
خرقوم
ملح
ابزار
ملعقة زيت الزيتون
ربع كاس ماء
2 بصلات كبار


الطريقة نشرملو دجاجة في الليل مزيان ونخليها في الثلاجة ...فاش نجي نطيبها نحطها على صدرنقطع عليها البصلة ونسد كوكوت نصف ساعة مع النار ناقصة الى اقصى درجة وكل مرة نحرك كوكوت بيدي باش متلصقش في القاع ويكون عندها الوقت تطلق الماء ديالها
غير طيب نحيدها ونحطها في الفران



نفور لسان الطير 3 مرات ونحطها في المرقة لي تكون طلقت دجاجة ونخلي 5 دقائق تتشربها ونطفي النار ونسد كوكوت عليها
رافقتها مع بطاطا مفورة ومشرملة بنفس الشرمولة لي شرملت فيها دجاجة الدجاجة





ممكن تنوعي في الخضر وتحطي لي بغيتي