شعرية بالطريقة المغربية لذيذة بزاف

سلام عليكم البنات 

 

 

، إن شاء الله أموركم بخير وعلى خير ،

طبق اليوم 

الشعريه بطريقة مغربية 100/100

 

 

المقادير : أي نوع شعرية كتعجبكم دجاج ، يا صدر يا أي طريفات من دجاج ربيع مقطع ، ثوم محكوك ، بصلة مشلضة توابل : ملح بزار سكين جبير تحميرة وخرقوم وسمن . كاس كبير تقريباً من صلصة مطيشة ,زيت .



نديرو كلشي في الكوكوت يتشحر مزيان ، نكونو موجدين ماء سخون ، نمرقو به ونسدو على الكوكوت ، من الأول نديرو الجهد ديال الماء لغدي يكفي شعرية طيب به وبنسبة عطرية عندها دور مهم بزاف في إبراز نكهة ديال هاد طبق



مني نحلو الكوكوت نزيدو الباستا ونحركو شوية ,ونرجعو نسدو عليها




، غي تسفر نحسبو شي 4 ديال دقايق ونطفو البوطة ونتسنو حتى تسكت السفارة









، ايوا نفتحو على الكوكوت وديك ساعة إلا كان شوية المرق زايد وبغيناه نخليوه ، أو نشعلو عليها تشرب شوية ، وندوقو درجة إستواء ديال الباستا ، وش نبغوها أدينتي أو طيبة مزيان ، ايوا شهية طيبة ، هاد أكلة سريعة وجميلة ههه لذيذة بنينة ، غي ديروها وغادي تولفو عليها وسهلا ، يا ربي تعجبكم بش نربحو دعيوات زوينة ههههه


من أحسن تكال وهي مازال سخونة ف المكان ، بصحة والراحة ، لا تنسونا من صالح الدعاء أزويونات السلام عليكم