كيكة الشكلاط المسقية لذيييذة بالصور

السلام علييكم ورحمة الله تعالى وبركاته
كيف احوالكم يا انيقااات ليوم غادي نقدم ليكم كيكة شكلاط مسقية لذييييذ
نتمنى تعجبكم





المقاديير
2بيضات كباار(هنا كانو ضغار درت 3)
كاس زيت
كاس حليب
كاس قل ربع(لي تيبغي الحلاوة يزيد)
4معاق كاكاو(درت كاس قل ربع عزيز عليا مذاق الكاكاو ولكم الاختيار)
كاس وربع دقيق
خمارة
رشة ملح
فاني







الطريقة
سهلة بزااااف تنشدو كاس الحليب مع السنيدة مع فاني مع زيت مع كاكاو فمولينكس ونطحنوهم مزياااااان حتا يولي بحال شي كرييم تقييل شوية





من بعد تنقسو كاس من الخليييط لي خلطنا فالمولينكس والباقي تنزيدو عليه البيضض ونخلطوه شوية



ثم نبداو نضيفو فالدقيق لي خلطنها مع الخمارة شوية بشوية وحنا مخدمين المولينكس حتا نسالييو



وتنكبو الخلييط فمول مدهون بالزبدة ومرشوش بالدقيق وندخلوها لفرن مسخن من قبل علا 180 درجة
منين تطييب تقريبا 30 دقييقة ولا علا حسب كل فرن تنخليوها تبرد شوية عاد نقلبوهاا



وندهنوها بكاس تاع الخليييط لي نقصنا فالاول ونزوقوها كيف بغينا ونخليوها تبرد مزيااان تتجي غزاااااالة بقدر ماهيا سااهلة تتجي بنيينة
خاصة انني كثرت الكاكاو مذاق الشكلاط باااين فيها مزيااان