حبيباتي الأنيقات ليوم جبت ليكم هاد الشكيلات من ضمن مجموعة من الحلويات لي وجدتهم من مدة ويالاه كتاب نزلهوم ليكم ،كنتمنى إيعجبوكم و و تجربوهم لأنهم فعلا منظر ومذاق
حلوة الكركاع والمورانك
المقادير
نصف كيلو كركاع مطحون مزيان
3 كيسان سكر كلاصي
8 بياض البيض
الطريقة
كنخلطو جميع المقادير لي عندنا وكنديرو العجين في جيب الحلواني وكنشكلو 3 وريدات ملاصقين و كنعملو فوقهم وريدات صغار بالمورانك ثم ندخلو الحلوة ديالنا لفرن مسخنينو مسبقا وغير يقصاح المرانك نخرجوها باش متقصاحش لينا الحلوة
طريقة ومقادير المورانك
كأس بياض البيض
4 كيسان سكر كلاصي
كنخلطو البيض مع السكر ونطربوهم مزيان فوق حمام مريم حتى يوقف مزيان
حلوة القليبات بالكوك والمورانك
نصف كيلو كوك
16 صفار بيض
50 غ زبدة دايبة
3 كيسان سكر كلاصي
الطريقة
كنخلطو النواشف تم كنضيفو الزبدة و البيض ونجمعو العجين تم كنطلقوها بين 2 قطع بلاستيك باش يسهال علينا العمل ونقطعوها بأي مقطع متوفر و نعملوها في لاطة و نمررو خط ديال المورانك من الجناب ونرشو شوية عقيق ملون في الوسط و ندخلوها للفرن حتى يطيب المورانك
للتزيين
عقيق المصابان ، مورانك
حلوة الكوك والمورانك
الكوك بحساب المورانك لي شاط من الحلوة لي وجدنا كنخلطوهم ونعملوهم في جيب الحلواني ونشكله على شكل وردة ونعملو فوقهم عقيقة ثم ندخلوها للفرن شوية و نخرجها
ليست هناك تعليقات:
إرسال تعليق