السلام عليكم ورحمة الله وبركاته
اخواتي اليوم عندي ليكم وصفة بيتزا ايطالية 100 ف 100 و اللي داقها كيحماق عليها المهم أن العجينة تخمر مزيان على الاقل 2 سوايع باش تجي خفيفة
المقادير
كيلو دقيق
2معالق خميرة
نصف كاس زيت زيتون
4معالق كبار سكر
معلقة كبيرة ملح
ماء للعجن
صلصة الطماطم
صلصة طماطم معلبة
زعيترة
زيت زيتون
سكر
ملح
( بالنسبة للصلصة المعلبة ممكن تعمليها فالبيت:تاخدي الطماطم تكون حمرة و تحيدي ليها الزريعة و ديريها طيب على نار مهيلة بلا ما من بعد دوزيها فالطحانه ديال الطماطم ممكن ديريها فقريعات معقمة مع وريقات ديال الحبق أو ديريهم فالفريزر فعلب)
الحشوة
فلفلة
طون
شومبينيون
موتزاريللا
جبنة بارمزان
جبنة ال gorgonzola
زعيترة
زيتون أسود
العجين : ندوبو الخميرة فشوية الما ونزيدوها على باقي المقادير الا لملح حتى نجمعو العجين باش تعطي الخميرة مفعولها من بعد ندهنوها بشوية زيت و نغطيوها و نخليوها تخمر مدة ساعتين على الاقل ملي تخمر نقسموها لخمس كريصات و نكرصوها فلاطة تكون ضروري مغطية بورق الفرن ومدهونة بزيت زيتون ندهنوها بالصلصة نزيدو عليها الفلفلة طون شمبينيون موتزاريللا جبنة ال gorgonzola الزيتون جبنة بارمزان زعيترة و نديرو عليها شويه زيت زيتون و ندخلوها للفرن.
(بالنسبه للفروما ج ممكن تستعملي الانواع اللي بغيتي و لكن كتجي احسن بهادو و اهم نوع gorgonzola )
ليست هناك تعليقات:
إرسال تعليق