ملوي بطريقة جديدة

بسم الله الرحمن الرحيم

السلام عليكم ورحمة الله وبركاته

 

 

ملوي بطريقة جديدة

 

 

طريقتي ف مسمن

كمية دقيق أصفر فينو وكمية أكتر من دقيق الفرص ماله ، شوية سنيدة ،شوية ملح ، شوية زيت زيتون ما دافي
وتدلك مزيان و تبقى مرخوفة شوية

نغطيها نخليها ترتاح شوية




زبدة دايبة للتوراق + قمح مخلط مع خمارة باش nرشو المسمن


من بعد نقسمها تابعو معايا طريقة
غادي ناخدو كويرات متوسطين الحجم اللي يجيك فالمقلة ديالك ، و كل كويرة نعملو ليها 3 كويرات صغيورين .و نغطيووهم ببلاستيك و نخلوهم يرتاحو شوية


نبسطو الكويرة الموسطة و تدهن بالزبدة و ترش بالقمح


و ناخد كويرة صغيورة و بنسطها و نحطوها فوسط المسمنة اللي سرحنا و تدهن حتى هي و ترش بالقمح


و ناخد كويرة اخرى صغيورة بنفس الشكل حتى نكملو 3 الكويرات ,ملي نكملو ناخدو سكين و نقسمو جوانب المسمنة الكبيرة و نلفوها على وليداتها ، يعني المسيمنات اللي سرحنا فالوسط ديالها و نحاولو نجمعو المسمنة غادي تولي بحال ملوية مجموعه


نخليوه يرتاح


من بعد نبسطه رقيق عادي بحال ديمة
ونطيبو على مقلة سخونة

نحط ونقلب


كيبدا يتنفخ مع راسو راكم عارفين مسمن باش يجي زوين خاص يتنفخ ف طياب








نتمنى تجربوه

ولعجبها تدعي مع أخت إلهام بشفاء وصلاح درية ولايدن و لكم بالمتل