اليوم جيب ليكم
فطيرة بالسبانخ والطون
لديدة وصحية لان الكل يعرف ان
اغلب وليداتنا ماكيكلوش السبانخ بهاد الطريقة ممكن ياكلوها بلا مايحسو بيها
.المهم باراكا علي من الهضرة ندوز للمفيد ونكتب المقادير
بالنسبة للعجين كنحتاجو
نصف كيلو طحين
بيضة
ملح
شوية السكر
اما الحشوة فكنحتاجو
علبة تون نسيت ماصورتهاش
فلفلة حمرة وفلفلة خضرة مشحرة في شوية الزيت كل وحدة بوحدها
قبطة سبانخ او سلك كاين اللي يسميه الصلق
شوية د التومة
كاشير
جبن محكوك
زيتون اسود مقطع صغير
ملح و ابزار
هنا شحرت الفلفلة من قبل
عجنت العجينة درت الخميرة والسكر في شوية د الما خليتهم حتى طلعو شوية وضفتهم للطحين مع البيضة والملح وعجنتها وخليتها تخمر ويتضاعف الحجم ديالها مزيان
من بعد خديت شوية د التومة حكيتها ودرتها مع شوية د الزيت سخنات شوية وضفت عليها السبانخ مقطعين زت ليهم شوية الابزار وقليل من الملح وشحرتهم
هنا خمرات العجينة وطلقتها اه ماشي بوحدي ولدي عاوني كنبغي نصور الوصفة و يقولي ماما حتى انا صوريني
درت المقادير بالتتابع السبانخ و الفلفلة حمرة او حضرة الطون تم المورتديلا والزيتون مقطع وفي الاخير الجبن محكوك
هاهي كملت كل المقادير
من بعد كنلوويها بحال شنيك ولكن غير جوج دورات صافي باش طيب لينا العجينة من الداخل
دهنتها بالبيض ورشيت عليها الزنجلان وخليتها تخمر مرة ثانية حتى خمرات مزيان دخلتها للفران
هاهو الشكل ديالها
هاهي من الداخل
بالنسبة للعجين كنحتاجو
نصف كيلو طحين
بيضة
ملح
شوية السكر
اما الحشوة فكنحتاجو
علبة تون نسيت ماصورتهاش
فلفلة حمرة وفلفلة خضرة مشحرة في شوية الزيت كل وحدة بوحدها
قبطة سبانخ او سلك كاين اللي يسميه الصلق
شوية د التومة
كاشير
جبن محكوك
زيتون اسود مقطع صغير
ملح و ابزار
هنا شحرت الفلفلة من قبل
عجنت العجينة درت الخميرة والسكر في شوية د الما خليتهم حتى طلعو شوية وضفتهم للطحين مع البيضة والملح وعجنتها وخليتها تخمر ويتضاعف الحجم ديالها مزيان
من بعد خديت شوية د التومة حكيتها ودرتها مع شوية د الزيت سخنات شوية وضفت عليها السبانخ مقطعين زت ليهم شوية الابزار وقليل من الملح وشحرتهم
هنا خمرات العجينة وطلقتها اه ماشي بوحدي ولدي عاوني كنبغي نصور الوصفة و يقولي ماما حتى انا صوريني
درت المقادير بالتتابع السبانخ و الفلفلة حمرة او حضرة الطون تم المورتديلا والزيتون مقطع وفي الاخير الجبن محكوك
هاهي كملت كل المقادير
من بعد كنلوويها بحال شنيك ولكن غير جوج دورات صافي باش طيب لينا العجينة من الداخل
دهنتها بالبيض ورشيت عليها الزنجلان وخليتها تخمر مرة ثانية حتى خمرات مزيان دخلتها للفران
هاهو الشكل ديالها
هاهي من الداخل
ليست هناك تعليقات:
إرسال تعليق