بسم الله الرحمن الرحيم
السلام عليكم ورحمت الله تعالى وبركاته
وصفة اليوم حلقات البصل المقرمشة
معروف فالمطاعم الكبار كيرافقوها معا المشويات والحوت
وكنتمنى تعجبكم الوصفة وكنتمنى من قلبي تجربوها سهلة وراقية فنفس الوقت
ندوزو دبا للمقادير سهلة جدا ويمكن اي اضافة ضيفيها غير الاساسيات غنقولهم ليكم والمكونات اللي تقدري تبدليكم
نقولهم ليكم
المقادير
عندنا خميرة الحلوا
دقيق ممتاز
مليح
ضامة البنة تاع الدجاج ويمكن نبدلوها ببهارات الدجاج
والماء عادي او ماء غازي هيا الوصفة اداصلية بالماء الغازي وانا درت غير العادي ونفس النتيجة
الطريقة
كنخلطو الكل ونحاولو ضامة ندوبوها فالاول فالماء ونخلطو الكل نخليو العجين ماتقيل ماخفيف
ونقطعو البصل دوائر ونفصلوهم علي بعضهم كنحصلو على حلقات نحاولو نديرو غير الكبارات اما الصغار نحتافضو بيهم لاستعمال اخر
نغطسو الحلقات في العجين اللي حضرنا وندوزوهم في لشابلير او انا شخصيا استعملت كورني فليكس دقيتو بالمدلك
ممطحونش بزاف مهرمش وندوزو فيه ونستفو فوق طبسيل حتى نكملو الكمية اللي عندنا
باش نكونو مرتاحين فالشغل
وعاد نديرو الزيت يسخن ونقليو غير يتحمرو والمرحل المهمة واللي كتخلي هد الحلقات مقرمشين لاطول مدة
نجيبو شبكة وملي نقليو الحلقات ونحطوهم على الشبكة وهدا هو السر ديالها حيت الحلقات كينشفو اما الى حطيناهم في طبسيل فوق ورق غدي يتعجنو نتمنى تكونو فهمتو وهد المرحلة مهمة جدا جدا جدا جدا
نخليكم معا الصور ونتمنى تنال اعجابكم
كنتمنى نكون عند حسن ضنكم بي
ومتنساوش تدعيو معايا بالدرية الصالحة يارب شكرا
ليست هناك تعليقات:
إرسال تعليق