بسم الله الرحمن الرحيم
السلام عليكم ورحمة الله وبركاته
اللبنة
اليوم إن شاء غادي نقدم ليكم وصفة ساهلة إسمها اللبنة أكلة لبنانية جربتهامن عند شميشة وصدقات غزالة فالمداق نتمنى حتى انتوما تعجبكم على بركة الله نبداو بالمقادير
رابعة حليب غبرة +ياغورت طبيعي +يطرو الماء +شوية الملح صافي هادو هما المقادير
نطرب الحليب غبرة مع الماء بالطراب اليدوي
انزيدو الياغورت وانطرب
انعملوه فوق النار فكاسرولة غير يدفا
من بعد نعملوه فآنية ونغطيوه يبقى 7ساعات أو ليلة كاملة عملت هاد الخطوة ولكن مع البرد هادي زدتها من عندي طيبت الماء مزيان وعملتو فالكوكوط وعملت وسطها الآنية لي فيها الخليط وسديت الكوكوط مزيان وعملت صفارة فالصباح ليقيتو راب مزيان هاد المرحلة مصورتهاش
من بعد انصبوه فزيف حياتي ونعمل معاه شوية ديال الملح على حساب الدوق ونخلطوه شوية ونعقد الزيف ونعلقوه ويترك يقطر مدة ليلة كاملة وهاهو واجد
يتقدم مع زيت العود يم يم يم لديد جداوبالصحة والراحة
ليست هناك تعليقات:
إرسال تعليق