بسم الله الرحمن الرحيم
السلام عليكم ورحمة الله تعالى وبركاته
كيك بالشوكولاطة لديد و زويين وساهل
انشاء الله يعجبكم
المقادير
125 غ زبدة فحرارة المطبخ
200 غ سنيدة
4 لبيضات
200 غ طحين
باكية دالخميرة
50 غ بودرة الكاكاو
125 مليليتر حليب
للتزيين
4 م ك مربى المشمش
م ك مازهر
رقائق اللوز محمر
كوكو محمر
الطريقة
على بركة الله ندهنو قالب ديال الكيك مثقوب من الوسط بالزبدة و نرشوه بالطحين
نوضعو جميع المقادير فزلافة كبيرة و نطربو فالطراب لكهربائي بسرعة متوسطة حتى يتخلط المزيج و يتغير اللون ديالو يصبح بني فاتح نديروه فالقالب و ندخلوه لفرن معتدل الحرارة ما بين 45 تال 55 دقيقة و نخرجوه من الفرن نخلوه يبرد
نخلطو المربى و مازهر و نديروه تغلي شوية نخليوها تبرد و ندهنو بها الكيك و نرشو فوق منها اللوز و الكوكو امحمرين و تفضلو بالصحة و لراحة
ماتنسونيش منصالح دعائكم
ليست هناك تعليقات:
إرسال تعليق