بسم الله الرحمن الرحيم
السلام عليكم ورحمة الله وبركاته
اقتراح اليوم
\\\\ كيكة الكوكوط \\\\
المقادير
4 البيضات
ك ونص سنيدة
ك صغير زيت
ك كبير و ربع ماء مغلي مخلط بنسكافي
3 م ك كاكاو
2 م ك خل (نسيت ما صورتو)
3 ك طحين
3 الخمارات
الكيسان باش كنعبر (فالصورة) كبار شوي حيت كندير الكيك فالككوط الكبيرة (6 او 8 لتر) هداك لي فيه سنيدة قد قياس العنبة.
طريقة التحضير
كنديرو سنيدة و البيض و الخل و الزيت فمولنكس
كنخويهم فشي اناء و نزيدو عليهم الطحين مغربل و الكاكاو و الخمارات
نخلطو مزيان
عاد نزيدو الما طايب في الاخير
ونعملوها فالكوكوط مدهونة طبعا بالزبدة و مغبرة بالطحين
نصيحة
ديما طلعو الدهين ديال الزبدة مزيان محينت الكيك كيبدا طالع تابع الزبدة
نسدو عليها بلا صفارة على اصغر كانون و على عافية مهيلة و متنساوش الحديدة تحت من الككوط (ضروري)و نخليوها 40 حتال 45د (نقلبو بالموس واش طابت)
ومنين طيب الكيكة
نحطوها فوق الشبكة تبرد
نقسموها على 3
كناكد حتى تبرد عاد نقسموها باش ما تفرتتش حنت رطبة بزاف
كنوجد 2 بلاستيكات وحدة فيها الشكلاط كحل و دانون والتانية فيها الشكلاط بيض وغير شوية
الحليب باش يجي fondu )ايلا درناه بوحدو كيجي قاصح و كيتهرس ملي نبغيو نقطعو الحلوة)
كنديروهم فمقراج ديال الما طايب حتى يدوبوا على ما عمرنا الكيك
كنعمروها بالكريم باتسيير
كنفرشو تحت منها بلاستيكة ونخويو عليها ganach لي وجدنا وداب
وكنزوقوها بالشكلاط بيض مع الحليب او لي حبيتو
ليست هناك تعليقات:
إرسال تعليق