بسم الله الرحمن الرحيم
كيكة معمرة بالرولي ديال الكنفتير
مقادير الرولي بالكونفيتير3 بيضات - 80غ طحين - 70غ سنيدة - 1 فاني - 1 خميرة - نصف حامضة محكوكة - 6 معالق كونفيتيرالفراولة
الطريقة
البيض + سنيدة + فاني + قشور الحامض نطربوهم مزيان حتى يولي لونهم مايل لبياض
ثم نخلطوا الخميرة مع الطحين و نزيدوهم على الخليط شوية بشوية مع التحريك بملعقة خشبية من الأسفل إلى الأعلى
ناخدوا طاوة (مول ) مربعة نديروا فوق منها ورق الزبدة ونمددوا الخليط ونضعها داخل الفرن مدة 10 دقائق ° 180 درجة
منين تطيب نطلقوا فوق منها كنفتير الفراولة ثم نلويوها بشوية على شكل رولي ونضعها على جانب
اليكم التفاصيل بالصور
مقادير الكيكة
2 بيضات - 120غ زبدة - 7سل حليب - 200غ طحين - 100غ سنيدة - نصف حامضة محكوكة - 8 معالق الكونفتير - 1 فاني - 1 خميرة -
قشدة الطرية للتزيين حسب الذوق
الطريقة
نرونوا الزبدة + سنيدة+ فاني حتى تولي على شكل بوماد ثم البيض و نطربوا الكل بالطراب الكهربائي + الحليب + قشور الحامض
نأخد الطحين + الخميرة نخلطهم مع بعضياتهم, من بعد نزيدوهم على الخليط شوية بشوية بملعقة العود
من بعد نأخد طاوى الحلوى طويلة مدهونة بالزبدة و الطحين كالعادة نخويو فيها ثلث الخليط ثم نأخد الرولي وانقادوه من جناب
و ندخلوها فالطاوى ثم نخويو فوق منها باقي الخليط و نديروها تطيب على درجة حرارة °180 ولمدة 35 دقيقة
منين تطيب نأخد 8 معالق الكونفتير+ 5 معالق الماء فوق النار نخليوه حتى يغلي و ندهنوا الحلوى به و نزوقوها من فوق بالفريز
و القشدة الطرية
اليكم التفاصيل بالصور
سمحولي طولت عليكم تيقوا بيا راه كاتجي زويونة
بالصحة و الراحة
ليست هناك تعليقات:
إرسال تعليق