أومليت على شكل بيتزا ، بالصور

 

بسم الله الرحمن الرحيم

 

السلام عليكم ورحمه الله وبركاته 

 

 

أومليت على شكل بيتزا

المقادير :
- 2 بيضات
- نص كاس حليب خالي الدسم
- 2 معالق دقيق الشعير ، (أو نخالة - مكانتش متوفرة عندي فاستعملت دقيق الشعير)
- راس معلقة صغيرة خميرة الحلوى

 

 
الحشوة :
- فلفلة وكورجيت ومطيشة مقطعين بالطول
- صوص طوماط لي متعودين تستعملو في البيتزا
- شوية جبنة متزريلا ، أو الجبن لي متوفر عندكم

 

 

الطريقة :

أول حاجة كناخذ إناء نخلط فيه البيض والحليب والدقيق والخميرة ، وكنضيف شوية ملح وابزار ، ونخليه على جنب ، حتى نحتاجه

 

 

 

من بعد كناخذ مقلاة مكتلصقش ، كندير فيها شوية زيت بلدية وكنشحر فيها الخضر ديالنا ،
من بعد ما تشحر نتبلها بشوية ملح وابزار ، ملي كتوجد كنخليوها على جبن حتى نحتاجوها

 

 

في مقلاة مكتلصقش كنرش شوية زيت بلدية ، ونخوي الخليط الأول ديال البيض والدقيق ، ملي كطيب الجهة لي في الأسفل وتحمر كنقلب للجهة الثانية ،
غير نقلبها كنضيف مقادير الحشوة :
كندهن بصوص طوماط ، ونستف الخضر ، والفروماج في الأخير ، وكنرش شوية زعتر محكوك من الفوق ، كنغطيها ونخليها طيب على خاطرها

 

 وهاهي ملي وجات ، وبالصحة والراحة ،